"குப்பையை குப்பைத் தொட்டியில் மட்டும் போடவும்"
Latest topics
» பனிஷ்மென்ட் பந்தயம்!
by அ.இராமநாதன் Yesterday at 11:07 pm

» பனிச்சறுக்கு!
by அ.இராமநாதன் Yesterday at 11:06 pm

» பனியில் திருடன்!
by அ.இராமநாதன் Yesterday at 11:06 pm

» பேன்ட் இன்றி பயணம்!
by அ.இராமநாதன் Yesterday at 11:05 pm

» பெருமாள் - கவிதை
by அ.இராமநாதன் Yesterday at 10:38 pm

» மெட்டு - கவிதை
by அ.இராமநாதன் Yesterday at 10:35 pm

» தூரத்து வெளிச்சம்! கவிஞர் இரா. இரவி
by eraeravi Yesterday at 9:56 pm

» தனது திருமணம் குறித்து -ஸ்ருதி ஹாசன்
by அ.இராமநாதன் Yesterday at 7:03 pm

» சின்னச் சின்ன அணுக்கவிதை
by கவிப்புயல் இனியவன் Mon Jan 22, 2018 10:26 pm

» வடக்குப் பக்கம் பார்த்து உட்கார்ந்து பதிவு போடுங்க...!!
by அ.இராமநாதன் Mon Jan 22, 2018 9:28 am

» ஆத்த கடக்க வேணும் அக்கரைக்கு போக வேணும்...
by அ.இராமநாதன் Mon Jan 22, 2018 9:26 am

» ‘காளி’ பாடல்கள் 24ஆம் தேதி வெளியீடு
by அ.இராமநாதன் Sun Jan 21, 2018 7:30 pm

» ''சுக்லாம்பரதரம் ஆச்சா?''
by அ.இராமநாதன் Sun Jan 21, 2018 6:58 pm

» இனி எல்லாம் நன்மைக்கே... நன்றி - விகடன்
by அ.இராமநாதன் Sun Jan 21, 2018 6:56 pm

» பேருந்து கட்டண உயர்வு - வாட்ஸ் அப் பகிர்வுகள்
by அ.இராமநாதன் Sun Jan 21, 2018 6:42 pm

» மனைவியின் தாயார் வீட்டுக்குப் போறேன்...!!
by அ.இராமநாதன் Sun Jan 21, 2018 2:38 pm

» யானை வரும் பின்னே...
by அ.இராமநாதன் Sun Jan 21, 2018 2:31 pm

» எம்.ஜி.ஆரின் வாழ்க்கை வரலாறு திரைப்படமாகிறது!
by அ.இராமநாதன் Sun Jan 21, 2018 2:28 pm

» நடிகைகளின் சைடு பிசினஸ்!
by அ.இராமநாதன் Sun Jan 21, 2018 2:27 pm

» நெகடிவ் ரோலில் ஹன்சிகா!
by அ.இராமநாதன் Sun Jan 21, 2018 2:27 pm

» ஓவியாவுக்கு வந்த ஆசை!
by அ.இராமநாதன் Sun Jan 21, 2018 2:26 pm

» பார்த்திபனின் இரண்டாம் பாகம்
by அ.இராமநாதன் Sun Jan 21, 2018 2:26 pm

» சினி துளிகள்!
by அ.இராமநாதன் Sun Jan 21, 2018 2:25 pm

» நம்பிக்கை கொடு! நம்பி கை கொடு நூல் ஆசிரியர் : கவிஞர் ஸ்ரீ பாரதி கிருஷ்ணன் ! நூல் விமர்சனம் : கவிஞர் இரா. இரவி !
by eraeravi Sun Jan 21, 2018 12:19 am

» 300 மொழிகளில் வெளியான முதல் புத்தகம் எது?
by அ.இராமநாதன் Sat Jan 20, 2018 10:28 pm

» இந்த வார பல்சுவை- தொடர் பதிவு
by அ.இராமநாதன் Sat Jan 20, 2018 10:24 pm

» சாலையில் சென்றவர்களை ஆச்சர்யப்பட வைத்த மணமக்கள்!
by அ.இராமநாதன் Sat Jan 20, 2018 5:51 pm

» மருத்துவ தகவல்கள் - தொடர் பதிவு
by அ.இராமநாதன் Sat Jan 20, 2018 3:00 pm

» ஆப்பிள் போன ஏண்டா இரண்டா பிளந்தே...?!
by அ.இராமநாதன் Sat Jan 20, 2018 2:35 pm

» 2018 - அமாவாசை, பௌர்ணமி, கிருத்திகை....
by அ.இராமநாதன் Sat Jan 20, 2018 11:29 am

» போலியோ சொட்டு மருந்து 28-1-18 & 11-3-18
by அ.இராமநாதன் Sat Jan 20, 2018 10:55 am

» இனிய காலை வணக்கம்...
by அ.இராமநாதன் Sat Jan 20, 2018 10:51 am

» டாக்டர் ஏன் ரொம்ப படப்பாக இருக்குறாரு...?
by அ.இராமநாதன் Sat Jan 20, 2018 10:42 am

» அறிவை வளர்க்கும் விநாடி வினாக்கள் -
by அ.இராமநாதன் Sat Jan 20, 2018 10:32 am

» ஆமா...யாரு அந்த சக்களத்தி...!!
by அ.இராமநாதன் Fri Jan 19, 2018 8:46 pm

» 2018 - தைப்பொங்கல் வாழ்த்துகள்
by ராஜேந்திரன் Thu Jan 18, 2018 7:49 pm

» பல்சுவை - தொடர் பதிவு
by அ.இராமநாதன் Thu Jan 18, 2018 7:31 pm

» இது வாட்ஸ் அப் கலக்கல் -தொடர்பதிவு
by அ.இராமநாதன் Thu Jan 18, 2018 9:13 am

» யுத்தம் செய்யும் கண்கள் ! கவிஞர் இரா .இரவி !
by eraeravi Wed Jan 17, 2018 8:56 pm

» வீணையின் நாதம்! கவிஞர் இரா. இரவி
by eraeravi Wed Jan 17, 2018 8:55 pm

» நினைவுப் பெட்டகம்! கவிஞர் இரா. இரவி !
by eraeravi Wed Jan 17, 2018 8:54 pm

» பண்டிகை காலங்களில் ரயில் கட்டணம் உயர்வு?
by அ.இராமநாதன் Wed Jan 17, 2018 5:31 pm

» கின்னஸ் சாதனை படைத்த வீடியோ கேம் (வீடியோ இணைப்பு)
by ராஜேந்திரன் Tue Jan 16, 2018 9:00 pm

» 40 மில்லிபவுன் எடையில் சிவலிங்கம்
by அ.இராமநாதன் Tue Jan 16, 2018 3:45 pm

» விஜய் சேதுபதியின் பிறந்தநாளை முன்னிட்டு 'சீதக்காதி' ஃபர்ஸ்ட் லுக் வெளியீடு
by அ.இராமநாதன் Tue Jan 16, 2018 2:46 pm

பதிவர் திரட்டி!
பதிவர் - தமிழ் மக்களின் வலை திரட்டி.
RSS feeds


Yahoo! 
MSN 
AOL 
Netvibes 
Bloglines 



பெண்கள் மனசு வச்சா எதையும் சாதிக்கலாம்

View previous topic View next topic Go down

பெண்கள் மனசு வச்சா எதையும் சாதிக்கலாம்

Post by அ.இராமநாதன் on Thu Aug 25, 2016 11:26 pm

தஷி மாலிக் - நுங்ஷி மாலிக்

இமயம் தொட்ட எவரெஸ்ட் இரட்டையர்

எவரெஸ்ட் சிகரத்தில் கால் பதித்த உலகின் முதல் இரட்டையர் என்கிற பெருமைக்கு உரியவர்கள் தஷி மாலிக் - நுங்ஷி மாலிக் சகோதரிகள். சாதனையாளர்களை சிஸ்டர்ஸ் ஸ்பெஷல் பேட்டிக்காக அணுகினால், உடனே டபுள் ஓகே. சொல்கிறார்கள். கேள்விகளை உள்வாங்கி இருவரும் தனித்தனியே பதிலளிக்கிற பாங்கு சுவாரஸ்யமாக இருக்கிறது!

``அப்பாவுக்கு ஹரியானாவுல உள்ள சோனிப்பட் கிராமம்தான் பூர்வீகம். அம்மாவுக்கு டேராடூன். நாங்க பிறந்ததும் எங்களுக்கு அகிதா, நிகிதானுதான் பேர் வச்சாங்க. ஸ்கூல் ரெக்கார்டை தவிர வேற எங்கேயும் அந்த பேர் யாருக்கும் தெரியாதுங்கிறதால எங்களோட செல்லப் பேரான தஷி, நுங்ஷியையே மாத்திட்டாங்க...’’ என்கிறார் தஷி.

``தஷின்னா திபெத்தியன்ல அதிர்ஷ்டம்னு அர்த்தம். நுங்ஷின்னா மணிப்புரியில அன்புனு அர்த்தம். பேருக்கேத்த படியே அதிர்ஷ்டமும் அன்பும் சேர்ந்தவங்க நாங்க...’’  என்கிறார் நுங்ஷி. அழகான ஆங்கிலத்தில் அமர்க்களமாக ஆரம்பிக்கிறது இரட்டையரின் அரட்டை! ``ட்வின்ஸா இருக்கிறதுங்கிறது ரொம்ப ஸ்பெஷல் ஃபீலிங். பெரிசா எதையும் சாதிக்கலைனாலும் எல்லாரோட பார்வையும் பாராட்டும் நம்ம மேலதான் இருக்கும். பத்தாயிரம் பிறப்புகள்ல ஒண்ணு ட்வின்ஸா இருக்கிறதா சொல்றாங்க. 

அந்த வகையில நாங்க ஆசீர்வதிக்கப்பட்டவங்க. அதையும் தாண்டி, ஆண்களோட ஆதிக்கம் நிறைஞ்ச ஒரு சாகசத் துறையில முதல் இரட்டையரா பல சாதனைகளைச் செய்திருக்கோம்கிறது எவ்வளவு பெரிய பெருமை?’’ - இரட்டையராகப் பிறந்ததன் இன்பம் பகிர்கிறவர்கள், தங்களது சாகசப் பயணத்தின் ஆரம்பத்துக்கு அழைத்துச் செல்கிறார்கள். ``ஆரம்பத்துல எங்க ரெண்டு பேருக்குமே மலையேற்ற ஆர்வம்கிறது கனவுலகூட இருந்ததில்லை


Last edited by அ.இராமநாதன் on Thu Aug 25, 2016 11:28 pm; edited 1 time in total

_________________
அன்புடன்
அ.இராமநாதன்
http://rammalar.wordpress.com
avatar
அ.இராமநாதன்
நவரச நாயகன்
நவரச நாயகன்

Posts : 25176
Points : 54840
Join date : 26/01/2011
Age : 73

Back to top Go down

Re: பெண்கள் மனசு வச்சா எதையும் சாதிக்கலாம்

Post by அ.இராமநாதன் on Thu Aug 25, 2016 11:28 pm


-
இத்தனைக்கும் ரெண்டு பேருக்கும் நிறைய ஊர் சுத்தப் பிடிக்கும். ஸ்போர்ட்ஸ் பிடிக்கும். முதல்ல படிப்புக்காகவும், எங்களுக்குள்ள ஒரு லீடர்ஷிப் குவாலிட்டியை வளர்த்துக்கவும் உடலளவுலயும் மனசளவுலயும் வலிமையா ஃபீல் பண்ணவும்தான் இதை ட்ரை பண்ணினோம். பல நேரங்கள்ல நமக்குள்ள மறைஞ்சிருக்கிற திறமைகள், யதேச்சையா எதிர்பாராத சில விஷயங்கள் மூலமா வெளியில வரும்னு சொல்வாங்க... அப்படித்தான் எங்க விஷயத்துலயும் நடந்தது.  

உத்தர்காஷியில நேரு இன்ஸ்டிடியூட்ல மலையேறுதலுக்கான அடிப்படை பயிற்சியை முடிச்சதும், அந்த விஷயம் எங்க ரெண்டு பேருக்கும் ரொம்பப் பிடிச்சதா மாறிடுச்சு. அதையடுத்து இன்ஸ்ட்ரக்டர் கோர்ஸ் வரை வரிசையா முடிச்சிட்டோம். இந்தியாவுல ரொம்ப கம்மியான பெண்கள்தான் இதை முடிச்சிருக்காங்க. இன்னொரு பக்கம் காஷ்மீர்ல பனிச்சறுக்குப் பயிற்சியையும் முடிச்சிட்டோம். எங்கக் குடும்பத்துலயும் நாங்கதான் முதல் சாதனையாளர்கள்...’’ - சகோதரிகளின் வார்த்தைகளிலேயே வெளிப்படுகிறது அந்தப் ெபருமிதம்!

உடலளவுல மட்டுமில்லை... மனசளவுலவும் பொருளாதார ரீதியாகவும் சவாலான விஷயம் இது. பனிமலையில ஏறத் தயாரான அளவுக்கு எங்களோட இதய ஆரோக்கியமும் சரியா இருக்கணும். தினமும் எக்சர்சைஸ் பண்றோம். ஆனா, அது சிகரம் தொடறதுக்கெல்லாம் போதாது. மாரத்தான் ஓடறவங்ககூட மலை ஏற முடியாம சிரமப்படறதைப் பார்த்திருக்கோம். 15 கிலோ வெயிட்டை தூக்கிட்டு, 3 ஆயிரம் அடி உயரத்தை ஏறிக் கடக்க என்ன மாதிரியான ஃபிட்னஸ் தேவைப்படும்னு யோசிச்சுப் பாருங்க.
[img(451.1875px,226.1875px)]http://kungumam.co.in/Thozhi_images/2016/20160816/8b.jpg[/img]
மனசும் உடம்பும் பலமா இருக்கணும். பிரமாண்டமான மலை... பாறைகளான ஐஸ் கட்டிகள் மேல ஏறிப் போக இந்த ரெண்டும் முக்கியம். மலையில சின்னதா ஒரு அசைவு ஏற்பட்டாகூட, எல்லாம் மறந்துடும். அந்த இடத்துல நிலவற அமைதியும் தனிமையும் ஒருவித அசாதாரண பயத்தைக் கொடுக்கும். எந்த நிமிஷமும் எல்லாம் தப்பிப் போகலாம். ஸோ... மோசமான நிகழ்வுகளுக்குத் தயாராகவும், நல்லதே நடக்கட்டும்கிற நம்பிக்கையோடவும்தான் ஒவ்வொரு அடியையும் எடுத்து வைப்போம். 

இத்தனைக்கு இடையிலயும் நாம செய்யற விஷயத்து மேல ஒரு இலக்கோடவும் வெறியோடவும் இருக்கிறபோது மன பலம் தானா வந்துடும். அந்த ஃபீலிங் ரொம்ப ஸ்பெஷல்...’’ - திகில்களும் திருப்பங்களும் நிறைந்த தங்களது சாகச முயற்சிகளை விவரிக்கும் போதே வியர்க்க, வியக்க வைக்கிறார்கள் தஷியும் நுங்ஷியும். ``நாங்க ரெண்டு பேரா இருக்கிறதால மட்டும்தான் எல்லாம் சாத்தியமாச்சு. இதே விஷயத்தை நாங்க தனியாளா பண்றதா இருந்தா எங்க பெற்றோர்கூட சம்மதிச்சிருக்க மாட்டாங்க. 

அதுலயும் ட்வின்ஸா இருக்கிறதுங்கிறது எங்களோட சாதனைக்கு மிகப்பெரிய பலம். மலையேற்றத்துல ரெண்டு பேருக்கும் ஆர்வம் இருந்தது பிளஸ்னா, ரெண்டு பேரும் சேர்ந்து சவால்களை சந்திக்கிறதுல ஒரு சுவாரஸ்யமும் இருந்தது. 23 வருஷங்கள்ல நாங்க ரெண்டு பேரும் ஒருநாள்கூட பிரிஞ்சதில்லை. இந்த மலையேற்றமும், அதுல சந்திச்ச சவால்களும் எங்களுக்குள்ள நாங்க ட்வின்ஸா இருக்கிறது எவ்வளவு ஸ்பெஷல்னு உணர்த்தி இருக்கு...’’ - சகோதரிகளின் பேச்சில் வரிக்கு வரி எட்டிப் பார்க்கிறது பாசம்.

``இந்தச் சாதனையை முடிக்கிறதுக்கு 3 வருஷங்களுக்கு முன்னாடி வரை நாங்க விளையாட்டுத்தனமான ஸ்கூல் பொண்ணுங்க. திடீர்னு ஒருநாள் வட துருவத்துலயும் தென் துருவத்துலயும் உள்ள உயரமான சிகரங்களை எட்டிட்டோம்கிற பெருமையோட நின்ன அந்தத் தருணம் மறக்க முடியாதது. மைனஸ் 40 டிகிரி குளிர்ல ஒரு ஃப்ரீசர் பெட்டிக்குள்ள உங்களைப் போட்டு அடைச்சு வச்சா எப்படி இருக்கும்? அதே அனுபவம்தான் எங்களுக்கும் இருந்தது.  

வட துருவத்தைப் பொறுத்த வரை நீங்க எந்தத் திசையில அடியெடுத்து வச்சாலும் அது தெற்கு நோக்கிப் போகும். அது மட்டுமில்லாம, வட துருவத்துல நீங்க எங்கே இருக்கீங்கன்றதுக்கான எந்த அடையாளத்தையும் கண்டுபிடிக்க முடியாது. ஐஸ் ஷீட்டானது தொடர்ந்து நகர்ந்துக்கிட்டே இருக்கும்.  ஜிபிஎஸ் இருந்தா மட்டும்தான் நாம எங்கே இருக்கோம்னே தெரிஞ்சுக்க முடியும். ஒவ்வொரு அடி முன்னேற்றமும் எனக்குள்ள எப்படியொரு சந்தோஷத்தைக் கொடுத்ததுனு சொல்லவே முடியலை... அதாவது, இந்தியாவுல சில கிராமங்கள்ல ஆண் குழந்தைகள் பிறந்தா, ஸ்டீல் தட்டை ஸ்பூனால தட்டி அக்கம் பக்கத்தாருக்குச் சொல்லி அந்த மகிழ்ச்சியைக் கொண்டாடுவாங்க. 

பெண்ணா பிறந்ததை நினைச்சு பெருமையா நாங்களும் அப்படித்தான் எங்க வெற்றியைக் கொண்டாடினோம்...’’ என்கிறவர்களின் வெற்றி ஒட்டுமொத்த பெண் இனத்தையும் பெருமை கொள்ளச் செய்கிறது. இரட்டைச் சகோதரிகளின் எதிர்கால லட்சியங்களும் இவர்களைப் போலவே அவ்வளவு அழகு! இதையே புரொஃபஷனா எடுத்துப்போமாங்கிறது தெரியலை. நாங்க ஏற்கனவே சொன்னது போல செய்ய வேண்டிய விஷயங்கள் ஏராளமா இருக்கு. முதல்ல ஸ்போர்ட்ஸ்ல மேல்படிப்பை முடிக்கணும்.

எவரெஸ்ட்டை எட்டினதுங்கிறது முழுக்க முழுக்க எங்களோட தனிப்பட்ட விருப்பத்தின் பேர்ல நடந்தது. அது மூலமா நாங்க இன்னொரு விஷயத்தையும் பிரகடனப்படுத்த நினைச்சோம். அதாவது, இந்தியப் பெண் குழந்தைகள், ஆண் குழந்தைகளுக்கு எந்த வகையிலும் சளைச்சவங்க இல்லை... அவங்க மனசு வச்சா எதையும் சாதிக்கலாம்னு நிரூபிக்கவும் இதை ஒரு வாய்ப்பா பயன்படுத்திக்கிட்டோம். 

வருஷத்துக்கு ஒருமுறை இது மாதிரி ஒரு சாகசப் பயணம் செய்வோம். இந்த வருஷம் நியூசிலாந்துல உள்ள  உயரமான சிகரமான மவுண்ட் குக்  போறதா திட்டம். இதை அடையறது உலகத்துலயே ரொம்ப கஷ்டமானதுனு சொல்லப்படுது. உலகத்துலயே முக்கியமான நாலு ice capsக்கு போறதும் ஒரு திட்டம். ஆனா, இதுக்கான ஸ்பான்சர்ஷிப் கிடைச்சா இன்னும் நல்லாருக்கும்...’’ கண்களிலும் மனதிலும் கனவுகள் தேக்கிச் சொல்கிறார்கள்.

எல்லா துறைகளையும் போல இதுலயும் ஆண்களோட எண்ணிக்கைதான் அதிகம்.  உலகளவுல வெறும் 30 சதவிகிதம் பெண்கள்தான் இதுல இருக்காங்க. இது வாழ்வா, சாவா போராட்டம்தான். ஒவ்வொரு முறை சிகரம் ஏறப்போற ஆணும் பெண்ணும் உயிரைப் பணயம் வச்சு ரிஸ்க் எடுத்துதான் துணியறாங்க. இதுல ஆண்கள் சந்திக்கிற அதே சவால்களைத்தான் பெண்களும் சந்திக்கிறாங்க.  மாதவிலக்கு மாதிரியான பெண்களுக்கே உரித்தான உடல் அசவுகரியங்கள் வேணா சிரமங்களைத் தரலாம்...’’ - தன் பார்வையில் சவால்களைச் சொல்கிறார் தஷி.

``ஆதிகாலத்துலேருந்தே விளையாட்டுங்கிறது ஆண்களுகான துறையாகவே பார்க்கப்பட்டிருக்கு. உடலளவுல சிரமமான விளையாட்டுகள் எல்லாம் ஆண்களுக்கானதுனு ஒரு அபிப்ராயத்தை ஏற்படுத்திட்டாங்க. எங்களைப் பொறுத்த வரை மலையேற்றம்கிறது பெண்களுக்கு ரொம்பவே உகந்தது. ஏன்னா, மனசளவுல அவங்க ரொம்ப பலமானவங்க. இன்னும் சொல்லப் போனா ஆண்களைவிடவும் சிறப்பா இந்தத் துறையில சாதிக்கக்கூடியவங்க பெண்கள்.

ஆனாலும், நம்ம ஒட்டுமொத்த சூழலுமே பெண்களுக்கு எதிரானதாதான் இருக்கு. இந்த மாதிரியான சாகசங்களை முயற்சி செய்யற ஒரு பெண், தனிமனுஷியா பயணம் செய்யறதும், பல ஆண்களுக்கு இடையில ஒருத்தியா நாட்களைக் கடத்தறதும் ஒரே கூடாரத்துக்கு அடியில ஆண்களுக்கு சமமா இடத்தைப் பகிர்ந்துக்கிறதும் அவளுக்கு இன்னும் சவாலாதான் இருக்கு...’’ - உடன்பிறப்பின் கருத்துகளுக்கு வலு சேர்க்கிறது நுங்ஷியின் பார்வை.

``ஏப்ரல் 2015ல வட துருவத்தை எட்டிய முதல் தெற்காசிய பெண்கள், அதுலயும் உலகின் முதல் இரட்டையர்னு எங்களுக்கு அங்கீகாரம் கிடைச்சது. ஏழு உச்சி மாநாடுகள் அடங்கின  Explorers Grand Slamஐ முழுமையா முடிச்சவங்கன்ற பெருமையும் எங்களுக்கு வந்தது. இதுதான் உச்சம்... இதைத் தாண்டி என்ன இருக்குனு பலரும் வியப்போட கேட்டாங்க.  எங்களைப் பொறுத்த வரை சாகசங்களுக்கு எல்லைங்கிறதே இல்லை!

இந்த வருஷம் நியூசிலாந்துல நாங்க ஸ்போர்ட்ஸ் அண்ட் எக்சர்சைஸ்ல எங்களோட பேச்சிலர் டிகிரியை முடிக்கணும். அப்புறம் எங்களோட பயண அனுபவங்களைப் பத்தி புத்தகமா எழுதற முயற்சிகளுக்காக அமெரிக்கா கிளம்பறோம். இதுக்கெல்லாம் இடையில எங்களோட சொந்த ஃபவுண்டேஷன் ஆரம்பிச்சு, மலையேற்றத்துல ஆர்வம் உள்ள பெண்களை ஊக்கப்படுத்தற விஷயங்களைச் செய்யப் போறோம். 

பயணம்... சாகசம்... அர்த்தமுள்ள வாழ்க்கைனு பெரிய திட்டங்களோடவும், டான்ஸ், ஒரு படத்துல நடிக்கிறதுனு சின்ன ஆசைகளோடவும் காத்திட்டிருக்கோம்...’’ அதிர்ஷ்டமும் அன்பும் சேர்ந்து அசத்துகிறார்கள் பாசப் பறவைகள்!

மாரத்தான் ஓடறவங்ககூட மலை ஏற முடியாம சிரமப்படறதைப் பார்த்திருக்கோம். 15 கிலோ வெயிட்டை தூக்கிட்டு, 3 ஆயிரம் அடி உயரத்தை ஏறிக் கடக்க என்ன மாதிரியான ஃபிட்னஸ் தேவைப்படும்னு யோசிச்சுப் பாருங்க.

மலையில சின்னதா ஒரு அசைவு ஏற்பட்டாகூட, எல்லாம் மறந்துடும். அந்த இடத்துல நிலவற அமைதியும் தனிமையும் ஒருவித அசாதாரண பயத்தைக் கொடுக்கும். எந்த நிமிஷமும் எல்லாம் தப்பிப் போகலாம்.

மைனஸ் 40 டிகிரி குளிர்ல ஒரு ஃப்ரீசர் பெட்டிக்குள்ள உங்களைப் போட்டு அடைச்சு வச்சா எப்படி இருக்கும்? அதே அனுபவம்தான் எங்களுக்கும் இருந்தது.
-
நன்றி-  குங்குமம் தோழி

_________________
அன்புடன்
அ.இராமநாதன்
http://rammalar.wordpress.com
avatar
அ.இராமநாதன்
நவரச நாயகன்
நவரச நாயகன்

Posts : 25176
Points : 54840
Join date : 26/01/2011
Age : 73

Back to top Go down

View previous topic View next topic Back to top


 
Permissions in this forum:
You cannot reply to topics in this forum