உரைநடை, கட்டுரை, அனுபவம் பிறவும்… போட்டிக்கான பதிவுகளை இந்தத் திரியிலேயே தொடர்ந்து மறுமொழியிட என்பதைப் பயன்படுத்தி பதிவிட அனைவரையும் கேட்டுக்கொள்கிறோம்.

---
ஐம்பூதங்கள் எனப்படுபவை நீர், நிலம், நெருப்பு, காற்று,
ஆகாயம் என்பன.

இப்பிரபஞ்சத்திலுள்ள பல சூரிய மண்டலங்களில்
ஒன்றான நாம் வாழும் இப்பூமியில் இவற்றின்
உதவியின்றி எந்தவொரு ஜீவராசியாலும் உயிர்
வாழமுடியாது.

உதாரணத்திற்கு நம் உடலை எடுத்துக்கொள்வோம்:
இரத்தச் சுற்றோட்டத்திற்கும் கலங்கள் இயங்குவதற்கும்
நீரும், தாது உப்புக்களுக்கு நிலமும், உடல் வெப்பத்தைப்
பாதுகாக்க நெருப்பும், சுவாசிப்பதற்கு வசதியாகக் காற்றும்,
காந்தகதிருக்கு ஆகாயமும் உறுதுணையாய் நிற்கின்றன.

நெல் வளர இவ்வைந்து பூதங்களும் உதவுகின்றன.
நெல்லைக் குற்றி அரிசியும் தவிடும் எடுக்கிறோம்.
இவற்றை நாம் உண்ணும்போது அவற்றிலுள்ள தாது
உப்புக்களும், அரிய பூதியங்களும் மற்றும் ஜீவசத்துக்களும்
நமதுடலை சென்றடைகின்றன.

இதே போன்றே ஐம்பூதங்களும் நேரடியாகவும் மறை
முகமாகவும்
நாமுயிர் வாழ்வதற்கு ஏற்ற துணையாய் நிற்கின்றன.
-
ஐம்பூதங்களின் செயல்பாடுகளையும், அவற்றைக்
குறியீடாகவும் வைத்து மனிதன் செம்மாந்த வாழ்வு
வாழ வேண்டும் என்ற உயரிய கருத்தினை
பழமொழிகள் வாயிலாக நமது முன்னோர்கள்
வழங்கியுள்ளனர்.

ஐம்பூதங்களை அளவுடனும், அதன் தன்மையை
அறிந்தும் பக்குவமாகப் பயன்படுத்துதல் வேண்டும்
என்ற சூழலியல் சிந்தனையையும் இப்பழமொழிகள்
வலியுறுத்துவது போற்றுதற்குரியதாகும்.

--
ஐம் பூதங்களைப் பற்றித் தெளிவாகவும், நுட்பமாகவும்
உணர்ந்த நமது பெரி யோர்கள் ஒவ்வொரு பூதத்தின்
பெயராலும் ஓர் தலத்தை ஏற்படுத்தினர்.

மண்-பிருதிவித்தலம்-காஞ்சிபுரம், திருவாரூர்
நீர் – அப்புத்தலம் – திருவானைக்கா
தீ – தேயுத்தலம் – திருவண்ணாமலை
வளி – வாயுத்தலம் – திருக்காளத்தி
வான் – ஆகாயத்தலம் – சிதம்பரம்
-
========================================

ஐம்பெரும் பூதங்கள் குறித்து வழங்கும் பழமொழிகளில் சில:-
--------------------------------------


நிலம்
----

பொறுமையின் நிலைக்களனாக விளங்குவது நிலமாகிய
மண். எவ்வளவுதான் அதனைக் குத்தித் தோண்டித்
துன்புறுத்தினாலும் பொறுமையாக இருந்து தன்னைத்
துன்புறுத்தியவர்களுக்குப் பலனைக் கொடுக்கும்.
பெண்களும் பொறுமைக் குணம் மிகுந்தவர்கள்
தங்களுக்கு எந்தவிதத் துன்பமும் நேர்ந்தாலும் அவற்றைப்
பொறுத்துக் கொண்டு நன்மையானவற்றையே செய்வர். இதனை,

"மண்ணும் பெண்ணும் ஒண்ணு"
-
------------------------------
-
நீர்
----

"தாயைப் பழித்தாலும் தண்ணீரைப் பழிக்காதே"
-
நீரடித்து நீர் விலகுமா?"
-
"தண்ணீருக்குக் கீழே குசுவிட்டாலும்
தலைக்குமேல் தான் வந்து வெடிக்கும்"
-
"உப்புத் தின்னவன் தண்ணீர் குடிச்சுத்தான் ஆகணும்"

-------------------------------
காற்று
------

"காற்றுள்ள போதே தூற்றிக் கொள்"
-

"ஆடிக் காற்றில் அம்மியும் பறக்கும்"
-

"ஆடியில காற்றடித்தால் ஐப்பசியில் மழை வரும்"
-
-------------------------------------
-
நெருப்பு
-----------

"நெருப்பில்லாமல் புகையுமா?"
-

"நெருப்புன்னு சொன்னா
வாய் வெந்தா போய்விடும்"
-

"களவாணி புகுந்த வீட்டிலயாவது ஏதாவது இருக்கும்.
தீப்பிடித்த வீட்டில அதுவும் இருக்காது"
-
-----------------------------------

வானம்
-------

"கூரைஏறி கோழி பிடிக்கத் தெரியாதவன் வானத்தில் ஏறி
வைகுண்டம் போனானாம்"


"வானம் நினைத்தால் மழை
மனிதன் நினைத்தால் வினை"

  

 

ஐயாவுக்கே ஓட்டு வாழ்த்துக்கள்

பாராட்டுக்கள் ஐயா